Unha vida de cine

Unha vida de cine. Contacontos ilustrado sobre María Casares (con Polo Correo do Vento)

Sábado 26 | 18h30 | Cuberto de Pato

Precio: 3€
Duración: 45 minutos

Nesta actividade, nenos e nenas escoitarán un conto a medida que trazan un storyboard, xogando cos diferentes planos empregados no cine. Despois realizarán un obradoiro de debuxo da lendaria actriz galega María Casares. Este contacontos ilustrado corre a cargo de Polo Correo do Vento, colectivo especializado en actividades lúdicas dirixidas ao público máis novo, promovendo a lectura, a creatividade e a comprensión oral en galego.

Curtas de animación producidas por Chelo Loureiro

Curtas de animación producidas por Chelo Loureiro

Sábado 26 | 20h30 | Cuberto de Antonio

Coa presenza de Chelo Loureiro

Unha parte fundamental dos traballos producidos por Chelo Loureiro, a nosa homenaxeada co Premio Pedigree este ano, son curtametraxes de animación que foron aclamadas e premiadas pola súa calidade. Contaremos coa súa presenza para presentar un programa de tres delas.

A FLOR MÁIS GRANDE DO MUNDO

Dirección: Juan Pablo Etcheverry.

Guión: Juan Pablo Etcheverry, baseado nun conto de José Saramago.

Produción: Pancho Casal, Laura Fernández Espeso, Chelo Loureiro.

Montaxe: Juan Pablo Etcheberry.

Música: Emilio Aragón.

Elenco: José Saramago.

Vai de: Un escritor que non se sinte capaz de escribir unha historia infantil comeza a relatar como sería esta historia que quere contar: unha tarde de verán, un neno de sete anos decide explorar o fascinante mundo existente a cinco minutos da súa casa.

Xénero: Conto.

O detalle: O propio José Saramago é o narrador nesta adaptación do único conto para nenos e nenas que escribiu, e que estivo nominada a un Goya.

 

O SOLDADIÑO DE CHUMBO

Dirección: Tomás Conde, Virginia Curiá.

Guión: Tomás Conde e Virginia Curiá, baseado nun conto de H.C. Andersen.

Produción: Pancho Casal, Chelo Loureiro, Ana Fernández.

Música: Emilio Aragón.

Son: Cinemar Films.

Elenco: Manuel Manquiña, Luís Piedrahita.

Vai de: Nun crisol, un artesán funde chumbo para construír unhas figuriñas. O metal non é dabondo para todos os moldes e a última figuriña queda sen unha perna. Anos máis tarde un paquete chega a un museo de xoguetes…

Xénero: Conto.

O detalle: Esta curta foi rodada no Museo do Xoguete de Allariz.

 

O XIGANTE

Dirección: Julio Vanzeler, Luis da Matta Almeida.

Guión: Nélia Cruz.

Produción: Chelo Loureiro.

Montaxe: Pedro Lino.

Música: Nani García.

Son: Nani García.

Vai de: Un xigante leva unha nena no seu corazón. O seu corazón é como unha gran fiestra dende onde a nena descobre e entende o mundo no que vivimos… Un día, ella terá que marchar. Coa súa maleta chea de soños e esperanzas comezará a crear un novo mundo coa herdanza dos seus pais. Isto é medrar!

Xénero: Conto.

O detalle: Esta curtametraxe conquistou o público de máis de 50 festivais de todo o mundo.

A estación violenta

A ESTACIÓN VIOLENTA | 2017 | 73’ | galego

Dirección: Anxos Fazáns

Guión: Anxos Fazáns, Ángel Santos, Xacobe Casas, Daniel Froiz.

Produción: Daniel Froiz, Matrioska Producciones.

Montaxe: Anxos Fazáns, Iria Silvosa, Diana Toucedo.

Fotografía: Alberte Branco.

Son: Xavi Souto.

Música: Charles Rapante.

Elenco: Alberto Rolán, Nerea Barros, Xosé Barato, Laura LaMontagne, Antonio Durán ‘Morris’, Xiana Arias.

Vai de: A vida non é inofensiva. Pode ser esgotadora e frustrante. A Manuel gustaríalle ser escritor, pero en lugar diso vive atrapado na súa rutina, incapaz de afrontar as súas emocións. O verán e o inesperado reencontro cos seus mellores amigos de xuventude farán estoupar todas as súas pulsións.

Xénero: Drama.

O detalle: A estación violenta é unha adaptación libre da primeira novela de Manuel Jabois e pasou xa polo BAFICI, o Festival de Cine Europeo de Sevilla ou o D’A de Barcelona. A de Cans será a súa primeira grande proxección pública en Galicia antes da súa estrea en salas.

Xoves 24 | 20h00 | Círculo Recreativo Cultural
Coa presenza de Anxos Fazáns, Nerea Barros, Alberto Rolán, Xosé Barato e Antonio Durán ‘Morris’

British Winters

BRITISH WINTERS | 2017 | 100’ | inglés

Dirección: Andrew Turner, Roque Cameselle.

Guión: Andrew Turner.

Produción: Steve Swindon, Neil Dunsire, Lee Welburn, Sara Pearson, TAPE Community Music and Film.

Montaxe: Andrew Turner, Roque Cameselle.

Fotografía: Liam Plimley.

Son: Sean Pritchard, Lukasz Kusmirek.

Música: Andrew Kemp.

Elenco: Andrew Turner, Jess Healy, Josephine Wynne-Eyton, Jonathan Williams.

Vai de: Noel Winters síntese só este Nadal. Só, malia estar rodeado de amigos e familia. Esta é a historia dun apático mozo, que xa non é tan mozo, tentando cambiar o seu estilo de vida Desilusionado consigo mesmo e co mundo que o rodea, atopará inspiración na súa irmá pequena, Hannah.

Xénero: Comedia dramática.

O detalle: É a primeira longa de imaxe real dirixido polo tudense Roque Cameselle, despois de ter debutado na animación con El pequeño mago. Antes de ser un filme, British Winters foi unha novela, escrita por Andrew Turner ao rematar a súa etapa universitaria en 2008, para logo atopar os recursos para filmar gracias a TAPE Community Music and Film, unha asociación que apoia proxectos creativos.

Xoves 24 | 17h00 | Círculo Recreativo Cultural
Coa presenza dos directores Roque Cameselle e Andrew Turner, tamén protagonista do filme

Versogramas

VERSOGRAMAS | 2018 | 75’ | galego, español, inglés

Dirección: Belén Montero, Juan Lesta.

Guión: Belén Montero (idea orixinal: Celia Parra).

Produción: Juan Lesta, Belén Montero, Esferobite S.C., Celia Parra.

Fotografía: Ricky Morgade.

Música: Isaac Garabatos.

Elenco: Yolanda Castaño, Dionisio Cañas, Miriam Reyes, Antón Reixa, Eugeni Bonet, Martha McCollough, Daniel Cuberta, entre outros.

Vai de: Versogramas é unha viaxe emocional cara o descubrimento dun novo fenómeno artístico de crecente popularidade. Poetas e cineastas cóntannos como ven a vida a través deste xénero e axudan a contestar a pregunta: que é iso da videopoesía?

Xénero: Documental de creación.

O detalle: Versogramas é un proxecto transmedia que inclúe, ademais do documental de creación que veremos en Cans, unha exposición, un filme experimental, un webdoc e un libro-DVD actualmente en produción coa Editorial Galaxia.

Mércores 23 | 17h00 | Baixo de Bugarín
Coa presenza da directora Belén Montero, o co-director Juan Lesta, a produtora Celia Parra e o poeta Antón Reixa

María Solinha 2.0

MARÍA SOLINHA 2.0

Dirección: Ignacio Vilar.

Guión: Ignacio Vilar, Ermel Morales, Andrea Santos.

Producido por: Vía Láctea Filmes.

Vai de: Navia, unha moza de Cangas, soña con ser unha grande actriz. Obsesionada por dominar un revolucionario método interpretativo baseado na premisa grega “coñécete a ti mesmo”, non dubida en poñer en práctica un arriscado plan no que implica á súa profesora e amiga Montserrat. Será quen de acadar o seu obxectivo sen que o prezo social e persoal da súa ousadía lle resulte insoportable?

Xénero: Drama.

Estado: En pre-produción.

O detalle: A descuberta da actriz Andrea Santos, natural de Cangas, e dos seus primeiros pasos no mundo da interpretación inspiraron a Ignacio Vilar a escribir esta historia que remite inevitablemente á lenda de María Soliña e convida ao público a reflexionar sobre o papel da muller no século XXI, a través dunha orixinal oda ao amor e á liberdade.

Ursúas

URSÚAS

Dirección e guión: Roi Fernández e Laura Villaverde.

Producido por: Marta Valverde.

Vai de: Un antidisturbios de orixe galega e unha inmigrante peruana sen papeis realizan unha viaxe iniciática dende Alemaña ata Fisterra. Un camioneiro leva á súa sobriña actriz de Galicia a Italia a mercar unha parcela de Sol. Varios homes e mulleres viven de maneira alternativa, apartados da sociedade: un campamento en Santiago, un autobús varado, unha casa recuperada na montaña…

Xénero: Filme transmedia.

Estado: En fase de rodaxe.

O detalle: Roi Fernández gañou en 2013 o premio do xurado en Cans pola curta Calquera infinito posible.

O corpo aberto

O CORPO ABERTO

 

Dirección: Ángeles Huerta.

Guión: Ángeles Huerta e Daniel D. García.

Producido por: OlloVivo Produccións.

Vai de: Outono de 1907. Miguel, un xoven mestre, ten como primeiro destino unha escola en Lobosandaus, unha aldea perdida no Xurés. Quere iluminar os seus alumnos coa luz da razón pero atópase cunha comunidade dominada polas crenzas atávicas. Na pousada coñece a Mauro, un revolucionario portugués namorado de Dorina, a muller dun contrabandista do lugar…

Xénero: Western gótico.

Estado: Rematada a terceira versión de guión, pechando acordos de coprodución.

O detalle: Adaptación de “Lobosandaus”, primeiro relato de Arraianos, de Xosé Luís Méndez Ferrín.

Intríngulis

INTRÍNGULIS

Dirección e guión: Borja Cobeaga.

Vai de: Unha rapaza na trintena borracha investiga a desaparición da súa compañeira de piso.

Xénero: Comedia de misterio.

Estado: Escribindo guión.

O detalle: Nacho Vigalondo suxeriu a Cobeaga o título Misterioso asesinato en Malasaña, pero o director vasco preferiu Intríngulis, “que xa dá comedia e misterio”.

A granxa dos malditos

A GRANXA DOS MALDITOS

Dirección: Roque Cameselle.

Guión: Natxo López, Marcos Osorio, Paulo Soria e Roque Cameselle.

Producido por: Queiman e Pousa, Miolos Filmes coa colaboración de TVE.

Vai de: O peor de caer enfermo ou estar maldito é non coñecer a orixe da doenza ou do mal que che afecta, e naquela granxa era o único que tiñan en común todos os que a habitaban. Pero a protagonista non estaba disposta a resignarse a un final que todos lle anunciaban inexorable. Por iso, rebelouse contra o destino que os seus gardiáns decidiran para ela.

Xénero: Terror.

Estado: Versión final de guión e en fase de financiamento.

O detalle: Roque Cameselle tamén presenta en Cans British Winters, a súa primeira longa fóra do terreo da animación.

Einstein-Rosen

EINSTEIN-ROSEN

Dirección e guión: Olga Osorio.

Vai de: Teo asegura que atopou un burato de verme. O seu irmán Óscar non lle cre. Polo menos de momento.

Xénero: Comedia, ciencia-ficción.

Estado: Avanzando versión de guión.

O detalle: Einstein-Rosen é a adaptación a longametraxe da curta do mesmo título, coa que Olga Osorio gañou sesenta premios, entre eles tres en Cans ou o Mestre Mateo.

Trote

TROTE

Dirección: Xacio Baño.

Guión:
Xacio Baño, Diego Ameixeiras.

Producido por:
Luisa Romeo, Frida Films.

Elenco:
María Vázquez, Celso Bugallo, Tamara Canosa, Federico Pérez.

Vai de:
Carme, unha muller reservada e solitaria, vive nunha aldea galega co seu pai Ramón, co que apenas fala. Carme traballa nunha panadería, soñando que algún día abandonará esa atmosfera opresiva, pero as circunstancias sempre a fan volver da súa fuxida. Trote ten lugar na fin de semana da Rapa das Bestas, a ancestral loita entre home e animal.

Xénero:
Drama.

Estado:
Pendente de estrea.

O detalle:
Trote foi seleccionada no programa de residencias Ikusmira Berriak que promove o Festival de San Sebastián en colaboración con Tabakalera e a Fundación Donostia Capital Europea da Cultura.

Burning

Burning

Sábado 26 | 00h30 | Torreiro de Cans

Probablemente a banda en activo máis mítica de España, Burning seguen fieis ao estilo que os fixo populares: se Lou Reed ou Johnny Thunders cantaban sobre as rúas de Nova York, o rock and roll de Burning adaptouse como unha luva ao universo do seu Madrid, co plus de ser pioneiros no uso do español. Poñendo o foco nas festas, o sexo e o alcohol, pero tamén en temas marxinais, deron pé a clásicos como “¿Qué hace una chica como tú en un sitio como este?”, “Mueve tus caderas” ou “Jim Dinamita”, que repasarán comandados polo carismático Johnny Cifuentes.

Arima

ARIMA

Dirección e guión: Jaione Camborda.

Producido por: Jaione Camborda (Esnatu Zinema), Alfonso Zarauza, Carlos Carbonell.

Elenco: Melania Cruz, Mabel Rivera, Iria Parada, Tito Asorey, Rosa Puga.

Vai de: A historia de catro mulleres e unha nena que se ven afectadas de diferentes xeitos pola chegada de dous homes ás súas vidas. Un deses homes busca ao outro para matalo. Neste estado de tensión móvese todo o entramado de relacións que se establecen entre todos eles.

Xénero: Drama.

Estado: Rodaxe recén rematada.

O detalle: Ademais de coñecer esta primeira longa de Jaione Camborda, na sección Furacáns poderemos ver a súa peza Rapa das bestas.

La sombra de la ley

LA SOMBRA DE LA LEY

Dirección: Dani de la Torre.

Guión: Patxi Amezcua.

Producido por:
Vaca Films, Atresmedia Cine, La ley de plomo AIE, en coprodución con Playtime Production (Francia).

Elenco:
Luis Tosar, Michelle Jenner, Ernesto Alterio.

Vai de:
Ano 1921. España vive un momento axitado e caótico: son os anos do plomo, froito dos violentos enfrontamentos na rúa entre matóns e anarquistas. O gangsterismo e os negocios ilegais están instalados na sociedade. Nesta situación de disturbios e crimes, Aníbal Uriarte é un policía enviado a Barcelona para colaborar coa comisaría local na detención dos culpables do roubo a un tren militar. Pero Aníbal e as súas formas non atopan apoio entre os seus compañeiros.

Xénero:
Thriller.

Estado:
En posprodución.

O detalle:
É o agardado segundo filme de Dani de la Torre despois do éxito de El desconocido.

Nación de muchachos

NACIÓN DE MUCHACHOS

Dirección: Javi Camino.

Guión:
Enrique Lojo.

Producido por: Vizuals e Mad Mex Filmanova.

Vai de: Nación de muchachos tenta reconstruír a historia da comunidade e o circo formados en Benposta (Ourense) polo Padre Silva durante o franquismo. Un relato vivo narrado polos seus propios protagonistas: os rapaces, profesores do centro, familiares do Padre Silva, políticos, xornalistas, estudosos do sistema pedagóxico de Benposta e, como non, o testemuño do propio Padre Silva a través de entrevistas e gravacións do seu programa Reflexiones Nocturnas, emitido pola Televisión de Benposta.

Xénero: Documental.

Estado: Pendente de comezar percorrido en festivais.

O detalle: Javi Camino pasou por Cans como curtametraxista en varias edicións e compite este ano na categoría de clips.

Concerto Mahou Cinco Estrellas: Depedro

Concierto Mahou Cinco Estrellas: Depedro

Viernes 25 | 21h00 | Espazo Mahou de la Leira de Alicia*

Depedro es el proyecto musical de Jairo Zavala, una propuesta transfronteriza que vuelca influencias musicales, estéticas y culturales de Latinoamérica, África, el Mediterráneo o Estados Unidos en una carrera musical que ya acumula cuatro Lps editados en más de treinta países, y la colaboración con artistas del prestigio de Calexico, Bunbury, Tom Hagerman o Los Coronas. La unión de lenguas y tradiciones al compartir canciones es la constante de una carrera de búsqueda constante, de la que tenemos también un ejemplo en el documental Casamance, la banda sonora de un viaje que se proyectará a las 18h30 en el Baixo de Bugarín y recoge su recorrido por Senegal buscando al legendario Lamine Konté.

*CONDICIÓNS DE ACCESO Acceso libre e gratuíto ata completar aforo. Require recollida previa de pulseira no posto de merchandising á beira do Torreiro. Só se poderá coller unha pulseira por persoa de xeito presencial, que se poñerá no momento. Non se farán reservas. Recollida de pulseiras desde ás 18h00.

Triángulo de Amor Bizarro

Triángulo de Amor Bizarro

Venres 25 | 00h00 | Torreiro de Cans

Logo de tres lustros de impecable traxectoria, Triángulo de Amor Bizarro son xa un grupo mítico do pop español, tan capaces do hit instantáneo (“Estrellas místicas”, “De la monarquía a la criptocracia”, “El himno de la bala”) como da explosión de ruido, e cun estilo lírico completamente recoñecible, capaz do romántico e do político sen caer no cursi nin no panfletario. Este 2018, o grupo de Boiro acaba de estrear o seu EP El gatopardo, no que toman a herdanza temática das cantigas de escarnio e maldizer adaptándoas aos nosos tempos, vinculando a España actual e o vello imperio.

Sad Hill Unearthed [Desenterrando Sad Hill]

SAD HILL UNEARTHED [DESENTERRANDO SAD HILL]

Dirección e guión: Guillermo de Oliveira.

Producido por: Luisa Cowell e Guillermo de Oliveira.

Elenco: Clint Eastwood, Ennio Morricone, Joe Dante, James Hetfield, Álex de la Iglesia.

Vai de: Sad Hill Unearthed trata a reconstrucción do cemiterio creado en España hai cincuenta anos para a secuencia final de El bueno, el feo y el malo de Sergio Leone.

Xénero: Documental.

Estado: Pendente de estrea en España.

O detalle: Este documental cun impresionante listado de persoas entrevistadas é o filme debut do vigués Guillermo de Oliveira. Pasou polo Festival de Tokyo e Santa Bárbara.

3

3

Dirección, guión e produción: Blas Lamazares Fraile.

Vai de: 3 é un retrato íntimo de Anna, arquitecta moza recén chegada a Berlín, a súa compañeira de piso Lea e a súa nova amiga Laura. Anna anda na procura do seu traballo soñado e afronta animosa a nova vida no inverno de Berlín tentando esquecer negruras pasadas…

Xénero: Drama, ficción.

Estado: Pendente de estrea.

O detalle: Esta historia millennial é o filme debut de Blas Lamazares, que ten raíces en Lalín e estudou cinema en Berlín.

Familia Caamagno

Familia Caamagno

Sábado 26 | 19h30 | Torreiro de Cans

Familia Caamagno teñen un dos directos máis poderosos do panorama galego actual: como todas as grandes bandas de rock and roll, viven a paradoxa de ser unha máquina perfectamente engraxada que desata o descontrol bailongo do público. Melodías pop, suciedade garaxeira ou humor cun toque bravú son os elementos deste grupo que, ademais de temas propios tan vibrantes como “No tempo do lobo” ou “O ritmo da caverna” destaca polas súas adaptacións libres ao galego de Chuck Berry, os Easybeats, os Standells ou mesmo Hefner.

Tempo vertical

TEMPO VERTICAL

Dirección e guión: Lois Patiño.

Producido por: Felipe Lage Coro (Zeitun Films) e Iván Patiño (Amanita Films).

Vai de: Un pobo na costa. O tempo parece terse detido. Tódalas persoas están paralizadas, ensimesmadas, mentres que a natureza e os animais móvense libremente. Malia todo, podemos escoitar á xente moverse e falar, coma se estivesen nunha dimensión paralela. A sensación é a de estar nun limbo cheo de espectros. Tres mulleres chegan ao lugar, capaces de moverse entre estas dúas dimensións. Tratan de facer algo que aínda non conseguimos comprender.

Xénero: Ficción.

Estado: Finalizando montaxe.

O detalle: Segundo filme de Lois Patiño tras o seu aclamado debut Costa da Morte, un dos filmes galegos con máis recoñecementos internacionais.

Esteban & Manuel

Esteban & Manuel

NOITE GIA INMOBILIARIA
Xoves 24 | 23h30 | Praza do Concello

Calificados como “o maridaxe definitivo entre a sesión vermú e a cumbia underground”, Esteban & Manuel recuperan os ritmos latinos de verbena como o merengue ou a citada cumbia e, a través dun sanísimo sentido do humor e un virtuosismo do que non se fala o suficiente, poñen a bailar a todos os públicos. Entre os prestixiosos escenarios que xa vibraron con eles están o mesmo festivais indies como o Monkey Week ou o Cara B de Barcelona que o emblemático Camping Camaleón de Los Caños de Meca (Cádiz). Que non cho conten!

 

Kevin Weatherill

Kevin Weatherill

Sábado 26 | 18h00 | Invernadoiro e Cuberto de Mucha do Peso
Concerto + presentación avance do documental Kevin vs. Ray
Prezo: 5€.
Duración: 75 minutos (30′ avance + 45′ concerto)

En España e máis especialmente en Galicia moita xente lembra a Kevin Weatherill como o líder dos míticos Immaculate Fools, unha banda maldita na súa Gran Bretaña natal que foi acollida con entusiasmo por moreas de fans en España e Alemaña. Cun pé no pop máis memorable e outro nas tradicións folk (tanto a celta como a americana), acumularon moreas de cancións inesquecibles. Logo da disolución da banda a finais dos 90, Weatherill volveu a traballar dende abaixo co nome de Dirty Ray e rematou por afincarse recentemente en Cambados. Terémolo en Cans actuando e presentando as primeiras imaxes do documental biográfico Kevin vs. Ray, dirixido polos galegos Eduardo Herrero e Manuel Lemos.

 

Pantis

Pantis

Sábado 26 | 20h30 | Invernadoiro e Cuberto de Mucha do Peso.
Concerto + retrospectiva de clips de Rubén Domínguez
Prezo: 3€.
Duración: 75 minutos (30′ retrospectiva + 45′ concerto)

Pantis é o proxecto en solitario de Rubén Domínguez, unha das persoas fundamentais para entender a música galega dos últimos anos, sexa polo seu traballo como músico en Telephones Rouges, Chicharrón ou Metralletas Lecheras ou pola súa labor como deseñador e realizador audiovisual. En Pantis elabora un emocionante pop electrónico, de letras e texturas fermosas pero inquedantes que se ubican sobre ritmos obsesivos. Dá pé a unha catarse bailable, na que chegamos a sentir por riba das nosas posibilidades. En Cans teremos a oportunidade de desfrutar do seu concerto unido a unha retrospectiva do seu traballo no ámbito do videoclip, que inclúe traballos para Señor Anido, Novedades Carminha, Peña, Franc3s ou Mullet.

 

MounQup

MounQup

Sábado 26 | 16h30 | Cans Voulevar

Camille Hedóuin é MounQup. Esta francesa afincada no rural ourensán constrúe cancións nas que se superpoñen os miles de rexistros e formas da súa voz a bases electrónicas, nun collage máxico de bucles sonoros e sensacións que a leva a ser comparada frecuentemente coa islandesa Björk. Tan preto da vangarda como da calidez da música popular, a de MounQup é unha música sen prexuízos, que emprega tanto o galego como o francés ou inglés, que trata tanto o cotián e o íntimo como as problemáticas sociais, e que ten como centro un carisma escénico difícil de esquecer.

 

Pardo

Pardo

Sábado 26 | 18h30 | Cans Voulevar

O coruñés Néstor Pardo definiuse algunha vez como “cantautor nacido no rock and roll, criado no blues e o jazz e emancipado no folk e a música latina”. Logo dunha traxectoria na que foi cantante e guitarrista de bandas fundamentais do rockabilly (The Loveless Cousins) e do rhythm and blues (The Allnight Workers) en Europa, na súa carreira en solitario practica un sano eclecticismo, posible pola forza e versatilidade que leva na súa voz e a súa guitarra. Nos seus dous últimos discos, Libélula e Siento no haber sido lo esperado, revelouse ademais como un notable letrista en español.

Tanxugueiras

Tanxugueiras

Sábado 26 | 22h00 | Cans Voulevar

O ano pasado, o vídeo dunhas novísimas pandereiteiras galegas improvisando no camerino do Festival Celtic Connections de Glasgow viralizouse. As rapazas que abraiaron a 300.000 persoas na rede eran Sabela Maneiro, Aida Tarrío e Olaia Maneiro, tres extrovertidas e orixinais voces procedentes de Teo e do Barbanza que comezaron en 2016 a amosar nos escenarios todo o aprendido, recollido e herdado das nosas avoas co nome de Tanxugueiras. A súa actitude desenfadada e o talento das súas voces non fai máis que confirmalas como as grandes promesas da música folk galega actual.

Sesión Discochimpín: David van Bylen DJ

Sesión Discochimpín: David van Bylen DJ

Venres 25 | 01h30 | Torreiro de Cans

Produtor, remesturador e DJ, David Van Bylen é coñecido por ser a voz da banda de dance-rock Estereotypo. Habitual de cabinas como Independance Club (Madrid), La3 (Valencia) ou REM (Murcia), é considerado a persoa de referencia para os remixes do indie español, converténdoa en música de baile. As súas sesións xuntan estilos ben diversos (pop, rock, indie, electrónica, disco, funk, soul, house…) baixo o denominador común do baile e o bo rollo.

Sesión Discochimpín: Rafa Morcego DJ

Sesión Discochimpín: Rafa Morcego DJ

Sábado 26 | 01h30 | Torreiro de Cans

Rafa Morcego é un referente da noite en Galicia. Dende o seu debut no ano 1987 amenizou as xornadas en locais como Frenheit, Hipódromo, Factoría, La Radio, La Iguana Club… Actualmente é residente de A Reixa Bar en Compostela, onde segue facendo bailar a todo o mundo co seu coñecemento enciclopédico do rock and roll. Ningún sitio mellor que Cans para celebrar os seus trinta anos de traxectoria.