O Festival de Cans é un evento destinado a promover o talento das novas e novos creadores que farán o cine do futuro. Ata o 4 de marzo estará aberto o prazo para enviar curtametraxes e videoclips para entrar a concurso na XIII edición que se celebrará do 18 ó 21 de maio de 2016.

Comezamos unha etapa apaixonante, tras moito traballo pechamos o círculo e inauguramos a nova web corporativa do Festival de Cans. Este portal é a finalización dun proceso que empezou coa construcción da nosa tenda online.

Nunha ocasión, un recoñecido publicista comentou que a esencia do impacto da marca no público está en dicir as cousas de xeito que ninguén as dixo nunca. O Festival de Cans é xustamente iso: orixinalidade, autenticidade e impacto.

Sabías que moitos dos nominados aos Goya deste ano gañaron antes en Cans? Dani de la Torre, que gañou en dúas ocasións Cans, é un dos cineastas revelación co seu filme “El desconocido” e terá oito nominacións nos maiores premios do cine español.