Retrospectiva Sinais furtivos, curtametraxes de Margarita Ledo

Antes de comezar a súa carreira, ou en paralelo ó seu traballo como directora, moitas destas pezas servíronlle a Ledo de ensaio para explorar a linguaxe cinematográfica e buscar diferentes camiños narrativos. Son filmes —algúns, inéditos— que estaban esparexidos en varios arquivos e que desde o Festival de Cans rescatamos a modo de traxectoria vital da cineasta.

Xoves 19 | 16.30 h. | Círculo Recreativo Cultural

Coa presenza de Margarita Ledo
Capacidade: 250 persoas

ILLA
2008 | 2’56” | Galego 
Vai de: O exilio e a memoria da perda. O corpo como ausencia. Resta o berro.

BUCLE
2017 | 5´| Galego
Vai de:  Sobre mulleres herdeiras da Guerra Civil. Do silencio á acción, nunha paisaxe onde cada doa resoa nas outras.

NIMBOS, NOITE NO MUNDO
2014 | 4´10” | Galego
Vai de: Un poema amoroso e os ecos do Díaz Castro tradutor, do rigor formal, do vento.

GROENLANDIA
2019 | 3’13” | Galego
Vai de: O cambio climático e o feminicidio como cicatriz no pensamento.

PAROLAR CUN EU
2022 | 18’ | Galego
Dirección: Xisela Franco. Vai de: Unha muller desprázase por unha cidade, Vigo. Busca un sinal que a leve á fábrica de cerámica Álvarez. Pasos perdidos sobre entullos e, á súa vez, unha experiencia infestada de interrogantes, do paso do tempo, dos distintos estados da desaparición que conducen á morte pero que, de xeito paradóxico, aparecen como memoria viva dunha ruptura traumática.

CINE MARINO
2013 | 8’14” | Galego
Vai de: Pequena homenaxe ao cinema vilego cos seus espazos, obxectos, querenzas.

Venres 20 | 19 h. | Baixo de Bugarín

Coa presenza de Margarita Ledo
Capacidade: 75 persoas

A AUGA BRANCA
2019 | 5’ | Galego
Vai de: Percorrido na procura de sinais á volta da Fonte da Esperanza, dos latexos dun lugar que leva o nome de Santa Mariña do Monte e dunha voz que regresa.

LAVACOLLA, 1939
2005 | 5’19” | Galego
Vai de: Aquel tempo no que a construción do aeroporto foi un campo de traballos forzados.

PARA LÍSTER 2
2007 | 15’ | Galego
Vai de: Fragmentos do século XX a través do neno canteiro que chega a xeneral de tres exércitos.

CIENFUEGOS
2008 | 16’ | Galego
Vai de: Dupla viaxe, a que realiza a cineasta cubana Belkis ao lugar onde naceu miña nai e o devalo de min propia polos vestixios cubanos que rodearon a mamá.

Deixa unha resposta

O teu enderezo electrónico non se publicará

7 + 19 =