>>> Descarga o Tríptico – Programa.
PUNTO DE ASISTENCIA SANITARIA E PUNTO LILA
O Festival de Cans dispón durante as xornadas de venres e sábado dun punto permanente de asistencia sanitaria sito no baixo do local parroquial. Alí, Merchi Sánchez, coordina o equipo médico, que coida de nós os días do evento.
Ademáis, en colaboración co Concello do Porriño, tamén disponse dun Punto Lila, de información e prevención sobre a violencia de xénero, que, estará instalado, diante do punto médico o venres e o sábado en xornada diurna e ó carón do cemiterio durante os concertos e actividades nocturnas.
POSTO DE MERCHANDISING DO FESTIVAL
Recolle as entradas para as seccións a concurso e seccións paralelas | Compra “Cans”, moeda oficial do festival.
Durante o festival é o mellor lugar para mercar un recordo. Dende a popular camiseta ata chaveiros, pegatinas, tazas ou imáns de pedra para poner na neveira.
- Mércores, 21 de maio | De 21.00h a 23.30h | Torreiro de Cans.
- Xoves, 22 de maio | De 16.30h a 22.30h | Círculo Recreativo Cultural de O Porriño.
- Venres, 23 de maio | De 16.30h a 22.30h | Estrada de acceso ao Torreiro de Cans.
- Sábado, 24 de maio | De 11.00h a 22.30h | Estrada de acceso ao Torreiro de Cans.
ONDE XANTAR
Durante o festival
> Parque do río
Nesta zona, preparada para o lecer de toda a familia, poderedes desfrutar dun agradable xantar á beira do río. Hai diferentes opcións de comida. No espazo poderes atopar os seguintes postos:
- Panadería Erundina.
- Supersugar.
- El Alambre del Abuelo.
- A Leñeira Pizzas.
- Severino Pulpeiro.
- Paso a Nivel.
Durante todo o ano
> Bar Fortes
O Bar Fortes é o bar máis emblemático de Cans, leva máis de cen anos facendo de pousada, casa de xantares e tenda de ultramarinos. Durante o ano está sempre moi concurrido e é un bo lugar para xantar comida caseira. Durante o festival non serven comidas en mesa, pero si bocadillos ou tapas.
Tlf. 986331142
> O Rincón de Olga
A nosa veciña Olga rexenta este bar de tapas sito a un quilómetro do Torreiro en dirección Ponteareas na antiga carretera nacional. Olga é unha cociñeira de longa traxectoria e con moito oficio e iso nótase nas riquísimas tapas que serve. Tamén ten un menú económico e fai comidas por encargo como cocido ou callos.
Tlf. 675214231
> Bar ViladeCans
Tlf. 605 593703
ONDE DURMIR
> Hotel Parque
Atópase no centro de O Porriño, no Parque do Cristo. Ten unha fermosa terraza baixo as árbores. É un dos hoteis que ten parte reservada pola organización. A parada onde se colle o bus para Cans encóntrase moi próxima ao hotel.
Tlf. 986331604
> Hostal Maracaibo
Recentemente reformado, o Maracaibo está sito en pleno Camiño Portugués, á beira da Igrexa de San Benito. No bar do hostal serven boas tapas e bocadillos. A parada do bus de Cans está a cinco minutos andando.
Tlf. 986330901
> Hostal Louro
Posiblemente o hostal máis económico do pobo. En pleno centro, xusto ao lado do paso a nivel e moi preto do albergue de peregrinos. A parada de autobús para subir a Cans atópase moi próxima.
Tlf. 986330048
> Hotel Azul
Tamén no centro de O Porriño, na Avenida de Galicia. Hotel moi económico, cun gran parking público ao lado. Do hotel á parada de bus de Cans hai poucos minutos camiñando.
Tlf. 986330032
> Hostal El Puente
Hostal construido recentemente, é maiormente utilizado entre semana por traballadores do Polígono Industrial de As Gándaras. Ten boas habitacións a bo prezo. Está na estrada vella deTui. A zona ten aparcamento e a parada de autobús de Cans está a dez minutos andando.
Tlf. 986348094
> Hotel Alfonso I
Situado a 10 quilómetros de Porriño na antiga estrada de Tui conta cunhas magníficas instalacións. En ocasións, é un dos hoteis que reserva a organización. Foi renovado no ano 2020.
Tlf. 986607060
> No Porriño hai unha boa oferta de apartamentos turísticos, podes atopalos en diferentes plataformas de reservas.
ONDE MERCAR
> Artesanía Candán
No barrio das Sequeiras, vindo dende O Porriño para Cans, á esquerda está o espazo de exposición e obradoiro do noso artesán Paco Candán, autor do célebre Can de Pedra, premio que distingue aos gañadores do festival.
> Tía Tata
Tenda especializada en artículos infantís. Durante o ano é un dos espazos onde se pode mercar merchandising do festival, xa que conta cunha licenza específica para a venda do mesmo. Está en O Porriño, nos soportais, moi cerca do marabilloso edificio do Concello.
> Xoiería Covelo
Os Covelo son unha familia de gran tradición na artesanía xoieira do noso pobo. A xoiería está sita ao lado da igrexa de O Porriño. Colaboradores do festival, no seu obradoiro fabrican pendentes, colgantes e pulseiras en prata de lei coa silueta do can. Fan poucas unidades, convén encargalos previamente.
Ademáis das tendas e espazos físicos que se especifican, o festival ten aberta todo o ano a súa tenda virtual. Nela pode mercarse merchandising e tamén as demandadas entradas nas semanas previas previas ao evento.
MERCADILLO
En Cans tamén temos o noso mercadillo, ao estilo do Rastro ou de Can-den Town, productos cool con bos prezos. Aquí poderás encontrar xoiería, xabóns, zapatos, coiro e moito máis.
- Malas Herbas Artesanía.
- Arte Terra.
- PlaymoRey.
- Senda coiro e metal.
- Angkor Artesanía.
- Henko joyería urbana.
- Lulinto.
- Zapatería Tamanca.
- Sol Naciente.
- Almadiversa Joyería.
- Balam Artesanías.
- Xabón Eiras.
- Interior(mente).
- Herbas Meigas.
- As Mozas.
- Mapa.