NINGÚN DEUS

Dirección, guión, fotografía e montaxe: Miriam Opazo Ojea Vai de: É un proxecto que fala sobre a identidade a través do Entroido tradicional do rural da provincia de Ourense. A partir dos días e momentos previos á primeira saída dunha das máscaras tradicionais, o peliqueiro de Laza, esta peza flúe entre o caos e a calma, constituíndo un espazo mediante o que compartir unha reflexión que medra de dentro cara a fóra: desde o autobiográfico e concreto cara a algo máis universal e abstracto. Ningún Deus acontece en Laza, pero podería acontecer en calquera outro pequeno lugar no interior de Ourense O detalle: Miriam Opazo achégase de forma autobiográfica ó Entroido de Laza.