XURADO VIDEOCLIPS

 

Peón Kurtz, cantante e Dj. Histórico membro da banda Def Con Dos, da que foi fundador e na que estivo durante case tres décadas. O vigués Peón Kurtz traballa como Dj en varios clubes madrileños como la Sala Barco o Siroco, e colabora con varias discográficas.

Carlos Crespo, xornalista musical. Carlos ten unha traxectoria de 25 anos no ámbito da cultura. Colaborador do suplemento cultural Fugas, de La Voz de Galicia. Ten tamén desenvolto o seu traballo en Radio Nacional de España e Europa Press. É o creador do podcast semanal Os Plans de Códax e do ciclo Os Camiños das Músicas Galegas. No 2021 formou parte dos xurados dos premios da Música Martín Códax e do premio Narf.

Olga Osorio, realizadora. Olga é profesora de realización na EIS de A Coruña e de montaxe na Facultade de Comunicación da mesma cidade. Ten dirixido curtametraxes con multitude de premios como ReStart ou Einsten-Rosen, mais tamén é unha realizadora recoñecida no ámbito do videoclip. Os seus clips Garden´s Road de Escuchando Elefantes ou Buscando a Superfama  de Heredeiros da Crus, tiveron numerosos premios internacionais, recibiron ambos o Mestre Mateo ó mellor clip e, no caso do primeiro, gañou tamén o Can de Pedra en Cans.