AS CURTAS PREMIADAS NA ÚLTIMA EDICION DO FESTIVAL DE CANS PODERÁN DESFRUTARSE ESTE SÁBADO NUN AUTOCINE

As curtametraxes premiadas polo xurado e polo público na XVIII edición do Festival de Cans exhibiranse este sábado nun autocine. Por segundo ano consecutivo, repítese este orixinal formato ante a gran expectación que suscitou en 2020. O Festival tenta así, ademais, suplir as restriccións de aforo nos jalpóns de Cans debidas á normativa Covid vixente.

Esta actividade, que xorde no marco dunha colaboración entre a Concellaría de Cultura do Concello do Porriño e o Festival de Cans, terá lugar no aparcamento do Velódromo Municipal, na estrada Atios-Pontellas, este sábado a partir das 23,00 horas. A entrada é de balde, pero o acceso do número de vehículos é limitado. Todas as persoas que desexen acudir terán que inscribirse previamente no mail inscricionscultura@oporrino.org, deixando o seu nome e apelidos, número de teléfono e matrícula e modelo do vehículo co que asistirán.

O público poderá ver como introdución a proxeción do documental “Cans 2020”, no que a realizadora Isaura Docampo recolleu as dificultades para levar adiante a primeira edición que se realizou baixo os efectos da pandemia Covid. Na parte central da sesión proxectaranse catro curtas premiadas.  “Monte Bravo”, de Noelia Muíño, que levou na última edición do festival o Premio do Xurado e o Premio á Mellor Dirección, unha emotiva historia arredor dos lubishomes e da tradición oral, que homenaxea ó seu irmán con síndrome Down, e que supuxo o retorno a Cans de Noelia Muiño, logo de ser a gran trunfadora en 2019 coa curta “The Widow”.

A seguinte das curtas será “Homeless Home”, Premio do Xurado a Mellor Curta de animación e Mellor Banda Sonora para Víctor García, e que mesmo foi finalista dos últimos Premios Goya na categoría de mellor curta de animación. O seu director, o coruñes Alberto Vázquez, gañara xa noutras dúas ocasións o Festival de Cans. Tamén se poderá ver no autocine “Deux options” (Dúas opcións), unha interesante reflexión sobre o racismo, a inmigración e a crise dos refuxiados, rodada en Francia polo director de O Rosal Gon Caride, que levou os premios de Mellor Guión para este autor,  e Mellor Interpretación Masculina ex-aequo para os actores Jan Soja e Noël Faure.

Por último, o público tamén poderá desfrutar do Premio do Público en Cans, a obra “O son da balea”, que tivo a súa estrea absoluta durante o Festival. É obra do debutante Daniel Súarez-Rubini. A curta é unha fermosa fábula, interpretada por Isabel Naveira e Denis Gómez – Premio ao Mellor Actor o pasado ano en Cans- rodada nas incribles paisaxes da Illa de Ons.

As curtas `on line´, só ata a medianoite deste domingo

Debido ás restriccións de aforo que supuxo a aplicación da normativa Covid, o Festival de Cans volverá ofrecer a oportunidade de poder visionar na web do festival www.festivaldecans.gal  todas as curtametraxes a competición na categoría de ficción e animación. O prazo para visualizar as curtas rematará na medianoite deste domingo 19 de setembro.

Son un total de 15 curtametraxes, 11 de ficción e 4 de animación, que se poden visualizar divididas en catro bloques a un prezo de 2 euros cada bloque. O Festival ofrece tamén un bono aforro para poder acceder ás curtametraxes a un prezo reducido de 5 euros. Todo o recadado irá a parar integramente a repartir entre todas as directoras e directores con obras en competición, reforzando o compromiso do Festival de Cans coas novas e novos creadores.

O FESTIVAL XEROU 121 CONTRATACIÓNS LABORAIS E CONTRATOU SERVIZOS CON CASE 40 EMPRESAS LOCAIS

A celebración do XVIII edición do Festival de Cans, deixou datos que a organización valora como “moi positivos e esperanzadores”, no complexo contexto da pandemia. Nesta edición de 2021, o certame dobrou o número de espectadores, ata chegar ás 5.000 persoas que pasaron presencialmente polas diversas actividades do festival nos seus catro días de duración.

Na maior parte das actividades, como proxecións, concertos, coloquios ou exposicións, esgotáronse todas as prazas dispoñibles e nalgúns casos, como a sección de novos valores, Novas Camadas, incluso se tiveron que dobrar as sesións.

O Festival tamén aumentou nesta edición o número de contratacións laborais, chegando ás 121 persoas, fronte as pouco mais de cen contratadas o pasado ano, así como aumentou o número de proveedores locais, contratando servizos a case 40 empresas locais.

Contratacións de proximidade 

Das 121 contratacións realizadas, 54 foron contratacións directas, relacionadas con produción, merchandising, traballo en barras ou transporte; 18 de servizos de autónomos relativos á comunicación, producción musical, deseño gráfico ou programación, e 49 de contratación indirecta de empresas que prestaron servizos ao festival, como no caso da limpeza e hixiene, seguridade privada, electricidade ou servizo de catering.

maioría das persoas contratadas pertencen ó Concello de O Porriño, moitas á propia aldea de Cans, e o resto proceden de concellos limítrofes como Mos ou Salceda de Caselas.

O Festival elixiu entre os seus principais provedores a perto de 40 empresas locais que prestaron diversos servizos. Trátase de empresas coma restaurantes ou ferreterías, pasando por artesáns locais ou servizos de imprenta. O certame segue tendo como obxectivo a filosofía de consumo Quilómetro 0” de buscar provedores locais e, sobre todo, e na medida do posible, de traballar con pequenas empresas e comercio de proximidade.

Esta edición de 2021 también serviu para reactivar a hostelería local e os establecimentos hoteleiros. Entre o 1 e o 4 de Setembro, o Festival reservou de forma directa 137 habitacións en cinco establecimentos hoteleiros diferentes, para acoller cineastas, músicos, patrocinadores ou convidados.

As curtas de Cans, disponibles `on line´ata o domingo

Por outro lado, as curtametraxes das seccións competitivas de ficción e animación da última edición do Festival de Cans, estarán disponibles en liña ata o vindeiro domingo 19 de setembro. Desde o Festival, e de acordo cos curtametraxistas, acordouse dar mais tempo ó público para que poidan visionar as súas obras na plataforma que está activa na web www.festivaldecans.gal

O público poderá ter opción de visionar as 15 obras a concurso nesta categoría en catro bloques a un prezo de 2 euros cada bloque. Tamén hai a opción dun bono aforro de 5 euros, co que poderán ver a totalidade das obras. A recadación íntegra repartirase na súa totalidade entre creadoras e creadores.

ARRANCA “CANS ON LINE”: AS CURTAS DE FICCIÓN E ANIMACIÓN, DISPOÑIBLES EN VIMEO SÓ ESTA FIN DE SEMANA

Só durante esta fin de semana, as 15 curtametraxes que participaron na competición oficial de Ficción e Animación do XVIII Festival de Cans poderán verse a través de internet. Continúe lendo ARRANCA “CANS ON LINE”: AS CURTAS DE FICCIÓN E ANIMACIÓN, DISPOÑIBLES EN VIMEO SÓ ESTA FIN DE SEMANA

NOELIA MUÍÑO, CON ‘MONTE BRAVO’ E ALBERTO VÁZQUEZ CON ‘HOMELESS HOME’ VOLVEN A TRUNFAR EN CANS

Noelia Muíño e Alberto Vázquez, con senllos premios cada un para as súas respectivas curtas, volven trunfar en Cans. ‘Monte Bravo’, de Muìño, fÍxose cos premios á  Mellor Película e á Mellor Dirección. Continúe lendo NOELIA MUÍÑO, CON ‘MONTE BRAVO’ E ALBERTO VÁZQUEZ CON ‘HOMELESS HOME’ VOLVEN A TRUNFAR EN CANS

AS CURTAS A CONCURSO E O COLOQUIO CON KLEBER MENDONÇA FILHO, MAÑÁ NO DÍA GRANDE DE CANS

Este sábado chega o día grande do Festival de Cans coa proxección das curtas das principais categorías a competición -ficción, animación e Furacáns-. Un dos grandes momentos o día será o coloquio no Espazo Estrella Galicia da Leira do Rio co director brasileiro Kleber Mendonça Filho Continúe lendo AS CURTAS A CONCURSO E O COLOQUIO CON KLEBER MENDONÇA FILHO, MAÑÁ NO DÍA GRANDE DE CANS

MAÑÁ VENRES: PREMIO A JORGE COIRA; ACTIVIDADES CON IAN GIBSON, MENDONÇA FILHO, PROXECCIÓNS, MÚSICA…

O Festival de Cans entrega mañá venres os seus premios de honra. O director Jorge Coira, a veciña de Cans e acordeonista Marisol González, e o actor Tamar Novas, subirán na noite de mañá -21.30 h.- ao escenario do Espazo Estrella Galicia da Leira do Río para recoller os galardóns. Continúe lendo MAÑÁ VENRES: PREMIO A JORGE COIRA; ACTIVIDADES CON IAN GIBSON, MENDONÇA FILHO, PROXECCIÓNS, MÚSICA…

O HISTORIADOR IAN GIBSON E XOSÉ MANUEL BEIRAS PROTAGONIZAN MAÑÁ A SEGUNDA XORNADA DO FESTIVAL DE CANS

Dous filmes documentais que se proxectan por primeira vez ao público. As presentacións de libros que estudan ou contan o cinema na sección LendoCine. Noite Lasal dos Videoclips e o concerto da banda Moon CrestaColoquios mesas redondas con estudosos e profesionais do sector audiovisual. Continúe lendo O HISTORIADOR IAN GIBSON E XOSÉ MANUEL BEIRAS PROTAGONIZAN MAÑÁ A SEGUNDA XORNADA DO FESTIVAL DE CANS

PRIMEIRO DÍA DO FESTIVAL: CURTAS DOS AUTORES MÁIS NOVOS E ESTREA DE ‘MULLERES NO ESTRAPERLO’

Coa inauguración da rúa efémera Pilar Pereira comeza ás 10.30 horas de mañá mércores a primeira xornada da décimo oitava edición do Festival de Cans. Continúe lendo PRIMEIRO DÍA DO FESTIVAL: CURTAS DOS AUTORES MÁIS NOVOS E ESTREA DE ‘MULLERES NO ESTRAPERLO’

A INAUGURACIÓN DA EXPOSICIÓN DO PROXECTO CO QUE A COMPOSTELÁ MARÍA MEIJIDE RETRATA CANS DALLE INICIO Á SEMANA GRANDE DO FESTIVAL

Despois da boa acollida da retrospectiva Kleber Mendonça Filho a pasada fin de semana, continúan as actividades previas do Festival de Cans coa inauguración, ás 20 horas de mañá martes, da exposición ‘O sur de Galicia parece de Hopper’ (Cadernos de Cans). Continúe lendo A INAUGURACIÓN DA EXPOSICIÓN DO PROXECTO CO QUE A COMPOSTELÁ MARÍA MEIJIDE RETRATA CANS DALLE INICIO Á SEMANA GRANDE DO FESTIVAL

CANS ESTREA EN SALAS “9 FUGAS”, DE FON CORTIZO, E ACOLLE A PREMIERE ABSOLUTA DE “EL TIEMPO LIBRE”, DE FERNANDO EPELDE

O Festival de Cans acolle este ano a estrea de catro longametraxes. O filme ’9 Fugas’, de Fon Cortizo (Vigo, 1978) proxectarase por primeira vez en salas durante o certame o venres 3 de setembro. Continúe lendo CANS ESTREA EN SALAS “9 FUGAS”, DE FON CORTIZO, E ACOLLE A PREMIERE ABSOLUTA DE “EL TIEMPO LIBRE”, DE FERNANDO EPELDE

KLEBER MENDONÇA FILHO, PREMIO DO XURADO EN CANNES, PROTAGONIZARÁ OS COLOQUIOS NA LEIRA

O cineasta brasileiro Kleber Mendonça Filho, gañador do Premio do Xurado no Festival de Cannes 2019, será un dos grandes protagonistas da XVIII edición do Festival de Cans, que terá lugar do 1 ao 4 de setembro.

Continúe lendo KLEBER MENDONÇA FILHO, PREMIO DO XURADO EN CANNES, PROTAGONIZARÁ OS COLOQUIOS NA LEIRA

O FESTIVAL ESTREA ESTE ANO A SECCIÓN `CORRESPONDENCIAS´ E SELECCIONA 10 CURTAS DENTRO DA CATEGORÍA FURACÁNS

A XVIII edición do Festival de Cans, que terá lugar do 1 ao 4 de setembro, estrea sección: chámase `Correspondencias´ e nace para amosar un diálogo en imaxes entre cineastas galegos con cineastas doutros países e fomentar un intercambio de ideas inéditas filmadas. Continúe lendo O FESTIVAL ESTREA ESTE ANO A SECCIÓN `CORRESPONDENCIAS´ E SELECCIONA 10 CURTAS DENTRO DA CATEGORÍA FURACÁNS

MAIKA MAKOVSKI E SES, PRINCIPAIS CONCERTOS NA PROGRAMACIÓN MUSICAL DO FESTIVAL DE CANS

O rock de vangarda de Maika Makovski, ese abano de cancións escritas e convertidas en himnos por Ses nos últimos anos, e o pop sen complexos da banda galega Oh Ayatollah!, inzarán de música os días centrais’ do XVIII Festival de Cans, que se celebra do 1 ao 4 de setembro. Continúe lendo MAIKA MAKOVSKI E SES, PRINCIPAIS CONCERTOS NA PROGRAMACIÓN MUSICAL DO FESTIVAL DE CANS

O FESTIVAL DE CANS ENTREGA A 15 NENAS E NENOS DA ALDEA VALES PARA MERCAR MATERIAL ESCOLAR

CANS 2020 XEROU 108 CONTRATACIÓNS E TRABALLOU CON CERCA DE 30 EMPRESAS DE SERVIZOS LOCAIS

“TODO EL MUNDO SE PARECE DE LEJOS” DE RAFA DE LOS ARCOS GAÑA O PREMIO DOS CINECLUBES QUE CONCEDE CANS

El FESTIVAL DE CANS PONE EN MARCHA POR PRIMERA VEZ UNA VERSIÓN ON LINE CON LOS CORTOMETRAJES DE SU SECCIÓN OFICIAL

El FESTIVAL DE CANS PONE EN MARCHA POR PRIMERA VEZ UNA VERSIÓN ON LINE CON LOS CORTOS DE SU SECCIÓN OFICIAL

 

O FESTIVAL DE CANS ABRE POR VEZ PRIMEIRA UNHA VERSIÓN ON LINE CON TODAS AS CURTAS DA SECCIÓN OFICIAL

CANS PROMOVE A DIFUSIÓN DAS CURTAS PREMIADAS: DAS SALAS E O AUTOCINE Á PROXECCIÓN EN INTERNET

A EDICIÓN EXPANDIDA DO FESTIVAL DE CANS CHEGA ESTA SEMANA A NOVE CINES DE TODA GALICIA

“XOVES DE COMADRES”, DE NOEMÍ CHANTADA, CURTAMETRAXE TRUNFADORA NO XVII FESTIVAL DE CANS

  • A cinta da realizadora viguesa fíxose con 4 dos premios principais: Mellor Curtametraxe, Mellor Guión, Premio do Público e o do Xurado dos Veciños e Veciñas.

Continúe lendo “XOVES DE COMADRES”, DE NOEMÍ CHANTADA, CURTAMETRAXE TRUNFADORA NO XVII FESTIVAL DE CANS

AS CURTAS A CONCURSO E O COLOQUIO CON OLIVER LAXE, NO GRAN DÍA DO FESTIVAL DE CANS

O FESTIVAL DE CANS ACOLLE MAÑÁ VENRES A ENTREGA DO PREMIO PEDIGREE A MANANE RODRÍGUEZ E A PROXECIÓN DO DOCUMENTAL “ENMA PINO”

OS PROTAGONISTAS DE ‘O QUE ARDE’ E A ESTREA DE ‘A ILLA DAS MENTIRAS’, NA SEGUNDA XORNADA DE CANS 2020

CANS 2020 COMEZA COA HOMENAXE A CHANO PIÑEIRO E A EXHIBICIÓN DAS CURTAS DOS AUTORES MÁIS NOVOS

A INAUGURACIÓN DA EXPOSICIÓN DE RUBÉN DE MARINA E SEBASTIÁN COCUCCI NO PORRIÑO ABRE A PREVIA DO FESTIVAL DE CANS

CANS TERÁ UNHA VERSIÓN EXPANDIDA EN SALAS DE CINE DE TODA GALICIA E UNHA VERSIÓN EN LIÑA

CANS ACOLLERÁ ESTE ANO A ESTREA DE 15 OBRAS E TERÁ DÚAS NOVAS SECCIÓNS NUN CERTAME MARCADO POLA EDICIÓN LIMITADA

ARIMA

ARIMA

Xoves 3 | 17 h. | Círculo Recreativo e Cultural do Porriño | Aforo: 120 persoas (con retirada de entrada e preinscrición).

2019 | 77’ | España | Galego | Drama 

Dirección e guión: Jaione Camborda Produtora: Esnatu Zinema Produtores executivos: Jaione Camborda, Carlos M. Carbonell e Alfonso Zarauza  Fotografía: Alberte Branco Arte: María Lolo Montaxe: Marcos Flórez Son directo: Javier Pato Deseño de son: David Machado e Juan Carlos Blancas Elenco: Melania Cruz, Nagore Arias, Rosa Puga Davila, Iria Parada, Tito Asorey, Mabel Rivera Sinopse: A vida de catro mulleres e dunha nena vese alterada pola chegada inesperada de dous forasteiros. Un deles foxe do outro, agochándose no pobo como un ser fuxidío, fantasmagórico. O outro, un home ferido e armado, perturbará de diferente xeito a vida das mulleres. A historia móvese na fronteira entre o real e o imaxinado, entre o pesadelo e o soño, entre o medo e o desexo. Premios: Festival de Cine de Sevilla: premio á mellor dirección na sección Nueva Olas / Márgenes: premio á mellor película na sección Escáner / Festival de cine de Gijón: Premio WIP Push Play Proyect.

Coa presenza da directora e da actriz Melania Cruz.

Nove estreas nas seccións Furacans e ExtraCans, as que amosan as narrativas máis arriscadas