Xurado das curtametraxes

Sonia Castelo. Actriz galega. Sonia ten traballado en emblemáticas series da TVG como Mareas vivas, Rías Baixas ou Fontealba e tamén en coñecidas ficcións da televisión española como Policías, en el corazón de la calle ou Motivos personales.

José Antonio Quirós. Cineasta asturiano e habitual do Festival de Cans cunha ampla traxectoria na que dirixiu filmes como Pídele cuentas al rey. Caracterízase pola alternancia da temática social e o humor na súa obra. Acaba de estrear Trilogía del Paraíso, a terceira parte dunha miniserie de ficción que se pode ver na Televisión Pública Asturiana (TPA).

Alfonso Zarauza. Guionista e director. Na súa filmografía destacan as longametraxes A noite que deixou de chover, Encallados e Os fenómenos. Na actualidade, prepara o seu novo filme, Ons.

Luisa Romeo. Produtora e socia fundadora de Frida Films. Entre os seus últimos proxectos destaca o filme María (y los demás), de Nely Reguera. Na actualidade traballa na produción das próximas longametraxes de Isabel Ayguavives e Xacio Baño.

César Goldi. Actor. Unha das caras máis coñecidas do país no mundo do teatro e na pequena e grande pantalla. Lembrarédelo polos seus papeis en O Faro, Mareas vivas, Hospital Real, Libro de familia e un longuísimo etcétera.

Diana Toucedo. Cineasta, montadora e docente. Na actualidade traballa nas súas dúas longametraxe Puerto deseadoe Trinta lumes. Ademais tamén imparte clases na Universidade Pompeu Fabra, na UAB e na ESCAC.

Mara Torres. Xornalista, escritora, locutora de radio e presentadora de televisión. Ao longo da súa traxectoria profesional traballou en varios programas da Cadena SER e en RTVE presentando La 2 Noticias, o informativo máis premiado da historia da televisión.