Radio Océano: 30 anos de Atlantismo

Proxeccións + Concerto |Sábado 27 | 21h00 | Multiusos + Jaliñeiro 

Prezo da experiencia completa: 5€

Nesta edición do Festival, os fans do grupo Radio Océano, poderán celebrar en Cans os “30 anos de Atlantismo” desta banda que, con só un disco, logrou atraparnos para sempre con temas como Narcisismo, Terra Cha ou Como o vento, que forman xa parte da memoria musical do país. Neste ano 2017 cúmprense 30 anos da saída do seu primeiro e único disco Esto no es Hawai (nin falta que fai) (1986) e, a medida que pasa o tempo aumenta tamén a súa cotización como nunha cobizada peza de culto. Para conmemoralo, en breve sairá un dobre vinilo con directos e pezas inéditas no selo Subterfuge.

O Festival de Cans quere celebrar esta efeméride cunha das contadas xuntanzas que terá este ano a banda e rescatando unha selección das súas pezas audiovisuais -algunhas case descoñecidas-. Esta combinación de proxeccións comentadas por eles mesmos na Sala Multiusos coa actuación en directo de Radio Océano no Jaliñeiro será todo un canto ao Atlantismo e a uns anos creativamentes prolíficos, no que se fusionarán unhas pezas de xornalismo cultural profundo e rigoroso co gamberrismo da formación.

Deixa unha resposta

O teu enderezo electrónico non se publicará Os campos obrigatorios están marcados con *

2 × five =