Encontro AISGE con actores e actrices

Mércores 24, xoves 25 e venres 26 | 11h30 | Baixo do Moncho

A través dun acordo de colaboración entre o Festival de Cans e AISGE e tamén dentro da aposta de potenciación que o Festival quere darlle este ano aos coloquios, analizaranse e debaterase sobre o papel dos actores e actrices na sociedade dende diferentes perspectivas.

O mércores presentarase o “Taller da memoria”, que recupera as vivencias de algúns dos actores pioneiros do teatro e a televisión en Galicia. Manuel Lourenzo, Xan Cejudo, Pirula Expósito e Pilar Pereira estarán neste encontro co público acompañados do actor Juan Jesús Valverde -coordinador deste obradoiro- e Isabel Blanco -delegada de Aisge en Galicia-.Os encontros de xoves e venres levarán por nome “Actores e actrices: non é ouro todo o que reloce” -con Evaristo Calvo, Yelena Molina- e “Ser muller e actriz”  -con Mariana Fernández e Berta Ojea-.

Deixa unha resposta

O teu enderezo electrónico non se publicará Os campos obrigatorios están marcados con *

14 − 2 =