Dalle caña! encontro con realizadores e realizadoras

O formato Dálle caña consolídase en Cans e exténdese a todas as categorías audiovisuais: xuntamos aos realizadores e realizadoras para tomarse algo xuntos e que o público poda coñecer algo máis de cada peza e quen a fixo nun contexto ameno e relaxado. Cada encontro terá unha duración aproximada de 60 minutos.

Dálle caña! Encontro con realizadoras e realizadores de videoclips
Xoves 24 | 18h00 | Bar Liceum

O director do festival, Alfonso Pato, moderará este encontro no que estarán presentes as realizadoras e realizadores a concurso na categoría de videoclip e boa parte dos músicos e músicas das bandas finalistas, ademais de Paloma Zapata, realizadora de clips e directora de Casamance: La banda sonora de un viaje. Todos eles compartirán a súa experiencia arredor dunhas cañas de Mahou.

Dálle caña! Encontro con curtametraxistas de ficción e animación
Sábado 26 | 16h00 | Espazo Mahou da Leira de Alicia

Vinte curtametraxistas participantes nas seccións oficiais de Ficción e Animación desta edición do festival de Cans xuntaranse na Leira de Alicia para coñecerse, presentar as súas producións e debater con este formato relaxado compartindo cervexas, opinións e experiencias.

Dálle caña! Encontro con curtametraxistas das categorías FuraCans e ExtraCans
Sábado 26 | 18h30 | Espazo Mahou da Leira de Alicia

Os encontros Dálle caña complétanse con esta actividade que unirá ás autoras e autores das curtas das novas seccións de Cans: FuraCans (a Sección Oficial de non ficción) e ExtraCans, a mostra internacional de filmes vinculados a Galicia, na que participan pezas de Líbano, Brasil ou Italia.

Deixa unha resposta

O teu enderezo electrónico non se publicará Os campos obrigatorios están marcados con *

19 − seven =