Cans do futuro

Mércores, xoves e venres | 10h00 | Baixo de Bugarín

Rapaces de colexios e institutos de toda Galicia veñen cos seus centros a Cans nas mañás que van de mércores a venres nas datas do festival. Os estudantes terán como en anos anteriores encontros con actores e directores que van pasar polo festival e poderán ver pezas coma o videoclip “Buscando a Superfama” -dos Heredeiros da Crus e dirixido por Olga Osorio-, a curtametaxe de animación Cartas a Superman -de David Fidalgo Omil- ou o making of da pasada edición do Festival, “O ano da ducia”, realizado por Roi Guitián e María Lobo.

Cada centro educativo está en Cans unha mañá enteira, asiste a hora e media de proxeción e encontro con actores e outra hora e media a unha visita guiada pola aldea. Ademais, no tempo de descanso poden facerse a típica foto de Cans enriba do chimpín que se aparca xunto o Can de Pedra.

Deixa unha resposta

O teu enderezo electrónico non se publicará Os campos obrigatorios están marcados con *

1 × 4 =