13.000 persoas visitan o Festival de Cans na súa edición máis exitosa

Venres en Cans: homenaxes, o audiovisual que vén e concerto de León Benavente e Corizonas

O venres 26 de maio, tivo como protagonistas aos creadores e creadoras nas primeiras horas da xornada no Café con CREA, protagonizado polo director Guillermo García e membros da asociación, e nas nosas seccións “A que andas?” e “Fill@s de Cans”. Continúe lendo Venres en Cans: homenaxes, o audiovisual que vén e concerto de León Benavente e Corizonas

Cans acolle a estrea de “A historia dun satélite” na súa segunda xornada de Festival

O Festival de Cans inaugurou a súa segunda xornada de Festival recibindo a centos de escolares na súa sección “Cans do futuro”. Os rapaces e rapazas asistiron a hora e media de proxeción e participaron nunha visita guiada pola aldea. Continúe lendo Cans acolle a estrea de “A historia dun satélite” na súa segunda xornada de Festival

Hoxe comeza o XIV Festival de Cans

Hoxe arrinca a XIV edición do Festival de Cans na que, dende o 24 ao 27 de maio, a parroquia porriñesa se convertirá no epicentro do noso audiovisual. Serán catro días de celebración arredor da música e o cine nunha das edicións do certame con máis carga social e máis multidisciplinar na súa programación Continúe lendo Hoxe comeza o XIV Festival de Cans

Mañá terá lugar a venda física de entradas no Torreiro de Cans

O Festival de Cans venderá mañá, venres 19 de maio ás 19h00 no Torreiro de Cans, a últimas entradas para acudir á proxección das curtametraxes a concurso desta edición. O prezo será de 12€ por entrada, tanto na sesión de mañá como na de tarde. Continúe lendo Mañá terá lugar a venda física de entradas no Torreiro de Cans

Premio Pedigree’18: Chelo Loureiro

Premio Pedigree’18: Chelo Loureiro

A filmografía como produtora de Chelo Loureiro distínguese pola loita por dar a alternativa na dirección a novos directores e directoras, por ser unha incansable captadora de novos talentos e pola súa continua teima en tentar que os creadores e creadoras galegos queden a traballar na súa terra. Chelo Loureiro é unha das grandes impulsoras da animación galega nos últimos anos e, nomeadamente das curtametraxes de animación. Seis veces nominada aos premios Goya con filmes producidos por ela, o pasado ano Chelo Loureiro fíxose co galardón á Mellor curtametraxe de animación como produtora de Decorado, do realizador Alberto Vázquez.

O mesmo Vázquez, Juan Pablo Etcheverry ou David Fidalgo forman parte da lista de valores que Loureiro captou e impulsou como creadores, e todos eles son ben coñecidos polo público de Cans. O Festival quere recoñecer con este galardón a súa aposta polos novos talentos, o seu traballo continuo no desenvolvemento do cine de animación e a súa voz crítica na loita pola visibilidade das mulleres no audiovisual, a través de CIMA.

Chelo Loureiro recollerá así o testemuño de Miguel de Lira, homenaxeado o ano pasado, e deixará a súa pegada no Torreiro das Estrelas na Noite das Homenaxes, o venres 25 de maio. Continúa así completándose un grupo de recoñecidos Premios Pedigree compartido tamén con Emma Lustres, Luis Tosar, Celso Bugallo, Antón Reixa, Chete Lera, María Bouzas, María Pujalte, Mabel Rivera, Xavier Villaverde, Ernesto Chao, Antonio Durán “Morris”, Manuel Manquiña ou Javier Gutiérrez.

Chimpín de Prata ‘Premio Pepe Puime’: Isabel Blanco

Chimpín de Prata ‘Premio Pepe Puime’: Isabel Blanco

Isabel Blanco (Berna, Suíza, 1974) é ben coñecida por todos os seguidores do audiovisual galego, (Mareas Vivas, Un franco, 14 pesetas, etc.), e unha teimuda defensora do Festival de Cans desde as súas primeiras edicións. Cans quere premiar a predisposición absoluta que sempre tivo a colaborar co festival, especialmente nas tres últimas edicións, onde como delegada en Galicia de AISGE, o seu apoio resultou determinante para o futuro do Festival xusto cando atravesaba un dos momentos máis delicados da súa historia. Por todo este compromiso co festival, a organización decidiu premiala este ano co “Chimpín de prata – Premio Pepe Puime”, galardón que se outorga ás persoas que traballan no impulso e fomento do Festival de Cans.

Chimpín de Prata ‘Premio Pepe Puime’: Chelo Casalmorto e Constante Romero

Chimpín de Prata ‘Premio Pepe Puime’: Chelo Casalmorto e Constante Romero

Chelo Casalmorto e Constante Romero son dúas persoas volcadas co festival desde a primeira edición, tanto eles dous como toda a súa familia. Desde a primeira edición, Constante é un chimpineiro habitual do festival, ademais de ser o encargado de darlle forma desinteresadamente aos cans pequenos amarelos de madeira do festival que locen en moitos balcóns, cos seus coñecementos de carpintería, que cedía para o Festival e a moitas veciñas e veciños.

Constante e Chelo ceden cada ano tamén o Cuberto de Chelo, un dos cubertos emblemáticos do festival, e ademais organizan na súa propiedade, con outros veciños, o muro da Costa Azul, cunha pequena exposición que eles mesmos recompilaron ao longo de toda a historia do Festival.

 

Por esta enorme e desinteresada xenerosidade co festival, a asemblea da Asociación Cultural Arela decidiu otorgarlles nesta edición un dos seus máximos galardóns, o Chimpín de Prata, ao mesmo tempo que os seus nomes pasarán a formar parte desde este ano do muro dos chimpíns, co resto de veciñas e veciños homenaxeados ao longo das 15 edicións de festival.

Cans do futuro

Cans do futuro

Mércores, xoves e venres | 10h00 | Baixo de Bugarín

Alumnas e alumnas de institutos e colexios de toda Galicia veñen cos seus centros a Cans nas mañás do mércores, xoves e venres da semana do Festival. Esta rapazada terá, como en anos anteriores, encontros con cineastas e intérpretes que van pasar polo festival, e poderán ver pezas audiovisuais de diferentes estilos. Cada centro educativo está en Cans unha mañá enteira, asiste a hora e media de proxección e encontro con actores e outra hora e media a unha visita guiada pola aldea. Ademais, no tempo de descanso poden facer a xa clásica foto de recordo das visitas a Cans: enriba do chimpín que se aparca xunto o Can de Pedra.

Exposicións

Exposicións

Exposición retrospectiva de Luis Davila, “O Bichero”.
Venres 25 | 20h30 | Cans Voulevar

O morraseiro Luis Davila é un dos debuxantes máis populares do país, e arrinca sorrisos diariamente coas súas tiras “O Bichero” no Faro de Vigo, que tamén se teñen publicado en forma de exitosos álbumes de cómic e inundan as redes sociais, compartidas por miles de persoas conquistadas polo seu humor, no que radiografía a Galicia de hoxe en día. No Voulevar teremos a sorte de desfrutar dunha exposición retrospectiva destas viñetas, que en varias ocasións teñen retratado tamén o Festival de Cans.

Can Parade
Xoves 24 | 21h30 | Praza do Concello

O xoves ás 21h30 inaugraremos a cita anual do festival coa creación artística: a Can Parade! Nesta mostra, un feixe de artistas de toda caste atrévese a intervir a silueta do Can de Cans e darlle así unha volta creativa á nosa icona.

Cans Senior
Mércores 23 | 10h30 | Centro de día de Torneiros

Máis de 25 centros de día de toda Galicia participaron o pasado ano no noso proxecto Cans Senior, onde as nosas e os nosos maiores reinterpretaron sobre láminas, siluetas e motivos de Cans diversas secuencias da historia do cinema. Foi realmente emocionante ver os seus traballos e o seu alto grao de coñecemento do Festival de Cans. Este ano repetiremos coa apertura da exposición e a entrega de premios que terá lugar na mañá do mércores 23 no Centro de Día de Torneiros.

Debuxa Cans

Nenos e nenas do Porriño reinventan o atuendo do emblemático Can de Cans para disfrazalo cada ano. Nesta edición, a idea xira arredor de figuras femininas e superheroínas entre as que podemos atopar dende Mary Poppins á coñecidísima Wilma de Los Picapiedra. Neste concurso no participan 300 nenos e nenas de primaria menores de 10 anos, dos 10 colexios que hai no Concello de O Porriño. Estes colexios traballaron sobre unidades didácticas arredor deste tema e elaboradas previamente por profesionais da educación e do cinema.

Roteiros

CanSonoro

Sábado 26 | 10h00 | Polos camiños de Cans. Saída dende a Rotonda do Can.

Dende hai algúns anos, o gran Xurxo Souto, escritor e cantante dos Diplomáticos de Monte Alto ou Os Tres Trebóns, guía polas corredoiras de Cans un roteiro baseado nas historias dos veciños e veciñas e na memoria musical de cada casa. Acompañado polos acordeonistas de Acordecans, que fan a ruta con el, Souto conta historias, interactúa, canta cos veciños e intercala diálogos de filmes no seu discurso. Unha proposta diferente que fascina á xente de Cans e visitantes e este ano estará centrada nas historias de mulleres.

Roteiro literario-cinéfilo con Carlos Meixide

Mércores 23, Xoves 24 e Venres 25 | 11h00 | Saída da Rotonda do Can

Hai dous anos, o escritor, xornalista e humorista Carlos Meixide veu a Cans convidado para ofrecer a súa “mirada de Cans”. Foi unha visita inspiradora, xa que rematou por publicar unha novela xuvenil titulada Cans. O ano pasado iniciou estes roteiros cinéfilo-literarios cos que guía aos asistentes polos puntos nos que os protagonistas do libro viviron as súas particulares aventuras. Polo medio, moitos apuntes e referencias cinéfilas coas que gozan as nenas e nenos que leron o libro.

Final de “Ollo de vidro”, o concurso de booktrailers e booktubers

Final de “Ollo de vidro”, o concurso de booktrailers e booktubers

Mércores 23 | 19h00 | Baixo de Bugarín

Co obxectivo de estimular a lectura en galego e a creación audiovisual, especialmente entre a mocidade, o Festival de Cans impulsou este ano o concurso de booktrailers “Ollo de vidro”, no marco da iniciativa da canle de YouTube Recoméndoche un libro. Estas pezas creativas consisten en resumir en poucos minutos de imaxes o contido dun libro, e xa foron obxecto de mostras do formato en edicións anteriores do Festival. Este ano o certame é un concurso aberto á participación, ao que se presentou a nada desdeñable cifra de 47 obras. Un xurado escollerá unha selección de pezas finalistas que serán proxectadas no Baixo de Bugarín, nunha gran final na que se desvelarán os gañadores e contaremos coa presenza das e dos finalistas, do xurado e das institucións que apoian o proxecto: a Biblioteca Xosé Neira Vilas de Vigo, o IES Castelao, a Escola Oficial de Idiomas de Vigo, a Asociación de Veciños do Calvario, a Biblioteca Pública do Porriño e o IES Pino Manso.

Querida Utopía

Querida Utopía

Mércores 24 | 20h00 | Baixo de Bugarín

Avance do documental “Querida Utopía” arredor da figura do filósofo e profesor natural de Cans, Francisco Fernández Buey. A peza está dirixida polo realizador Juanma Lodo.

Filósofo, escritor e profesor na UAB (Universidade Autónoma de Barcelona) Francisco Fernández Buey (1943- 2012) é, en palabras de Xesús Alonso Montero “un dos intelectuais galegos máis brillantes”. Aínda que en todas as biografías aparece como nacido en Palencia, Paco Fernández Buey visitaba sempre que podía unha aldea na que atopaba as súas raíces e a súa casa familiar: Cans. Formado con poetas como José María Valverde, helenistas brillantes como Emilio Lledó e criado filosóficamente á beira do filósofo marxista Manuel Sacristán, Férnández Buey plasmou o seu pensamento en máis de media dúcia de libros. O seu recoñecido antifranquismo e militancia comunista levouno a ser expulsado da Universidade en 1966, pero Fernández Buey nunca desistiría das súas ideas, que nos últimos anos viraban cara o altermundismo.

O Festival de Cans quere recoñecer este ano ó que posiblemente sexa o intelectual máis ilustre –e máis descoñecido- orixinario desta aldea, promovendo a rodaxe dun documental e colocando unha placa como homenaxe na súa casa familiar.

Gastronomía

Showcooking cos cociñeiros Mahou Lucía Freitas e Beni Couso

Xoves 24 | 20h30 | Praza do Concello

A gastronomía volve ao Festival de Cans a través da colaboración de Mahou, que nos trae a Lucía Freitas, unha das poucas mulleres cociñeiras que forman parte do prestixioso Grupo Nove e unha das máis relevantes da gastronomía galega actual. A chef ofrecerá un showcooking combinando a súa experiencia ante os fogóns con propostas innovadoras. Nesta exhibición culinaria na que Freitas estará acompañada por Beni Couso (chef do restaurante vigués Patouro) ambos prepararán unha selección de “Tapas de cinema” que integrarán a gastronomía coa sétima arte e o público de Cans terá a oportunidade de degustar.

Kike Piñeiro

Outra parte gastronómica do programa virá da man do cociñeiro Kike Piñeiro, que estará a cargo da cociña para as persoas convidadas do Festival de Cans. Piñeiro é o chef do restaurante compostelano A Horta d’Obradoiro, un espazo caracterizado por unha sutil renovación da cociña partindo dende os produtos tradicionais que, coma sempre, serán produtos Galicia Calidade.

Proxecto Cans303

Proxecto Cans303

Mércores 24 | 20h00 | Baixo de Bugarín

Presentación do traballo do proxecto “Cans 303” feito polas alumnas e alumnos do curso. Estrea do documental sobre a emigración.

O Proxecto Cans303 é unha iniciativa que se iniciou o ano pasado e que conta cun obxectivo dobre: rescatar a memoria dos veciños e veciños de Cans e estimulalos para que se animen a crear no eido audiovisual. Para isto alentamos a un grupo de dez persoas da aldea entre os 12 e os 60 anos a desenvolver a proposta, pasando por todas as súas fases, dende a formación ata a presentación do resultado.

O proxecto calendarizouse do seguinte xeito: os veciños e veciñas participantes recibiron durante varios sábados entre febreiro e maio aulas básicas de técnicas de gravación, produción, edición e montaxe co realizador Juanma Lodo;, planearon e rodaron o seu exercicio práctico, montárono e agora estréase dentro do programa do festival.


Hoxe non é un soño

Vai de: O documental trata o fenómeno da emigración a través das lembranzas e vivencias de José Quintás Sánchez, Pepe, veciño de Cans que emigrou a Venezuela cando só era un neno. O testimonio de Pepe mesturase cas lembranzas de Alicia, nai de Pepe e co traballo escolar realizado por Raúl Rodríguez Fernández, tamén veciño de Cans, que comeza así:

 “Pepe naceu en Cans, O Porriño (Pontevedra) en 1953. Os seus pais emigraran a Venezuela en busca de traballo e mellores oportunidades, mentres el e a súa irmá quedaban ao cargo dos avós. Ao cabo dun tempo, cando os pais se conseguiron establecer no país, levaron consigo os rapaces. Pepe tiña entón once anos e a súa irmá, sete.”

Elenco: Jose Quintás Sanchez (Pepe) -64 anos- Venezuela, Alicia Sánchez González -89 anos- Venezuela/Cans; Raúl Rodríguez Fernández-14 anos- Cans.

Xénero: Curtametraxe documental

Ano: 2017

Equipo: Documentado, gravado e montado polos alumnos do 2º Curso de Cine de Cans: Ainhoa Cabaleiro, Antía Rodríguez, Marta Signo, Raúl Maceira, Andrés Fernández, Silvia Rivas, Marta García, Ángel Rodríguez e Flora Maceira.Coordinado polo realizador: Juanma LoDo

Produción: Asociación Arela, ente organizador do Festival de Cans

Catorce Cans

Catorce Cans

Mércores 23 | 22h00 | Torreiro de Cans (avance)
Venres 25 | 22h30 | Torreiro de Cans (estrea)

Proxección do documental sobre o Festival de Cans 2017, que leva por título Catorce Cans e está feito pola realizadora Isaura Docampo. Na Noite dos veciños e veciñas poderá verse un avance antes de desfrutar da estrea o venres na Noite das homenaxes e celebrar os momentos que vivimos hai un ano.

Cans Proxecta

Cans Proxecta. Territorio e coparticipación

Desde hai varios anos, o Festival de Cans mantén unha frutífera relación coa Escola Superior de Arquitectura da Universidade da Coruña. Unha relación que se materializa nas accións que moitos futuros arquitectos plasman como construcións efémeras no Festival de Cans para provocar unha reflexión sobre o territorio e a paisaxe. Este ano, renóvase a colaboración de novo.

Que pasaría se Cans se convertese nun destino turístico mundial? Esta é a pregunta que marca o plantexamento do traballo que este ano realizarán no Festival de Cans os alumnos da FETSAC, que organizan o Festival de Arquitectura na Escola Superior de Arquitectura da Coruña (ETSAC), xunto co grupo GceT (Galicia Cidade e Territorio). Este grupo de investigación analiza os fenómenos do territorio e a masificación dos eventos é un deles.  Cans é un festival que medra e podería converterse nun evento masificado, e merece unha reflexión crítica ante tal hipótese.

A masificación produce cambios signficativos sobre o territorio e xeitos diferentes de relacionarse co espazo. Os estudantes de arquitectura traballarán cos veciños de Cans na confección de bonecos indentificables como turistas, e de paso prepárannos para o que poida vir.

Programa “Disco Grande” de Radio 3 en directo

Programa “Disco Grande” de Radio 3 en directo

Venres 26 | 17h00 | Multiusos

Co xornalista Julio Ruiz ao fronte, Disco grande presta atención aos sons máis actuais, de aquí e foráneos, do pop e as súas ramificacións. Con corenta anos de historia é na actualidade o programa máis lonxevo da radio española. Dende hai aproximadamente uns quince anos, colocóuselle ao formato o cartel dde “programa indie”, e tal e como di o seu equipo “indies, imposible; más independientes, difícil”.

Non faltedes a esta cita coa radio e a música e directo nun dos espazos máis emblemáticos do noso Festival: o complexo formado pola sala Multiusos e o Jaliñeiro.

“Frágil equilibro”: celebrando o Goya con sabor galego

Proxección “Frágil equilibro”: celebrando o Goya con sabor galego

Sábado 27 | 16h30 | Sala Multiusos + Jaliñeiro

Encontro co director do filme, Guillermo García, + Proxeción documental (16h30) + Actuación Uxía (18h30) | Prezo da experiencia completa: 5€

O público asistente ao Festival poderá celebrar na Sala Multiusos o “Goya con sabor galego” coa proxección do documental Frágil equilibrio acompañado dun coloquio con  Guillermo García, fillo de nai galega e director desta longametraxe de temática social que se fixo nos últimos Premios Goya co galardón ao Mellor Documental. Trátase dun demoledor filme que ten implícito un convite á reflexión arredor do mundo que nos rodea a través de historias de subsaharianos saltando a valla de Melilla, do capitalismo salvaxe en Xapón ou de desafiuzamentos en Madrid e fiadas coas reflexións fundamentais dun sabio: José Mujica, ex presidente de Uruguai. A Seminci ou o Festival Internacional de Documentales de Ámsterdam (IFDA) son só algúns dos múltiples festivais nacionais e internacionais nos que estivo seleccionado o filme.

Ademais, esta sobrecolledora obra audiovisual tamén estivo nomeada na última edición dos Premios Goya na categoría de mellor canción con Muerte, composta por Zeltia Montes e interpretada por Uxía, quen ofrecerá un exclusivo concerto no Jaliñeiro ao remate da proxección.

Radio Océano: 30 años de Atlantismo

Radio Océano: 30 años de Atlantismo

Proyecciones + Concierto |Sábado 27 | 21h00 | Multiusos + Jaliñeiro 

Precio de la experiencia completa: 5€

En esta edición del Festival, los fans del grupo Radio Océano, podrán celebrar en Cans los “30 años de Atlantismo” de esta banda que, con sólo un disco, logró atraparnos para siempre con temas como Narcisismo, Terra Cha o Como o vento, que forman ya parte de la memoria musical del país. En este año 2017 se cumplen 30 años de la salida de su primer y único disco Esto no es Hawai (nin falta que fai) (1986) y, a medida que pasa el tiempo aumenta también su cotización como una codiciada pieza de culto. Para conmemorarlo, en breve saldrá un doble vinilo con directos y piezas inéditas en el sello Subterfuge.
El Festival de Cans quiere celebrar esta efeméride con una de las contadas juntanzas que tendrá este año la banda y rescatando una selección de sus piezas audiovisuais -algunas casi desconocidas-. Esta combinación de proyecciones comentadas por ellos mismos en la Sala Multiusos con la actuación en directo de Radio Océano en el Jaliñeiro será todo un canto al Atlantismo y a unos años creativamente prolíficos, en el que se fusionarán unas piezas de periodismo cultural profundo y riguroso con el gamberrismo de la formación.

Contra o lume

Contra o lume

Sábado 26 | 10h30 | Jalpón de Alicia

Proxección + actuación de Tino Baz
Duración total da sesión: 61 minutos.

O Festival de Cans quere poñer nesta edición o foco na catástrofe dos lumes que ano tras ano se repite en Galicia. O desastre ambiental que vivimos cos incendios en outubro de 2017 non debe ser un suceso para dar titulares só durante uns días. Cans pretende provocar unha reflexión crítica permanente sobre o futuro dos nosos montes e do noso territorio.

Esta desfeita ambiental xenerou a reflexión de moitas creadoras e creadores, que se expresaron a través das súas obras audiovisuais. Desde documentais a videoclips pasando por curtametraxes de ficción, algunhas destas obras están cargadas de emoción, transmiten rabia e desolación, mais ás veces tamén algo de esperanza. Contaremos coa presenza das realizadoras e realizadores, do cantautor Tino Baz e de Xosé Manuel Rodríguez, alcalde de As Neves, concello onde o lume arrasou o 60% da súa superficie.

 

AS NEVES, ZONA 0

2017 | 21’ | galego

Dirección: Adrián González.

Produción: Diaño Films.

Vai de: Un percorrido desolador por un Concello arrasado polo lume, coa terra índa fumegando e as brasas no chan. Vivendas devoradas polo lume, negocios arrasados e persoas devastadas, co esforzo dunha vida enteira reducido a un puñado de cinzas.

Xénero: Documental.

O detalle: O realizador Adrián González, natural de As Neves, plasma neste traballo a emoción das súas veciñas e veciños.


EL ÚLTIMO ADIOS

2018 | 5’ | español

Dirección: Rubén Cruz.

Producido por: Con2studios.

Elenco: Lara Vázquez e Rubén Cruz.

Vai de: Este Nadal non é un Nadal calquera. Daquela é preciso tamén ter unha árbore de Nadal especial, que nos traia emocións diferentes.

O detalle: Parte da curta foi rodada en paisaxes arrasadas polos incendios.

“PRIMAVERA NEGRA” (LINDA GUILALA)

2018 | 4′ | español

Dirección: Sara Chuerches

Vai de: Último videoclip da banda viguesa Linda Guilala, rodado nunha grande parte sobre as paisaxes case apocalípticas de montes arrasados polo lume.

O detalle: A obra está tamén en competición na sección de videoclips.

EUCALYPTUS

2018 | 25’ | español

Dirección: Elena Flores e Miguel Souto.

Vai de: Xusto un mes antes da catástrofe ambiental de Outubro de 2017, os directores comezaron a gravar este documental sobre os efectos do eucalipto e as súas consecuencias no territorio, a través de testemuñas e especialistas. As conclusións son demoledoras.

O detalle: Os responsables de Ence e da Xunta negáronse a participar neste documental.

“E VEU O LUME” (TINO BAZ e CANTARES DO BRUEIRO)

2017 | 6′ | galego

Produción: Ángel Baz e Miguel de la Peña

Dirección musical: Tino Baz

Música e letra: Paco Represas

Producido por: Arraz

Coa participación de: Xosé Lois Vilar

Vai de: Videoclip cunha parte de documental, rodado cerca de Chandebrito, outra das zonas arrasadas polos lumes en outubro de 2017. Coa colaboración do Instituto de Estudios Miñoranos.

Miradas de Cans + Furacáns

Miradas de Cans + Furacáns

Sábado 27 | 16h00 | Jalpón de Alicia

Miradas de Cans con María Meijide

A partir da sección “Miradas de Cans”, na que se convida a un artista que non sexa do audiovisual a ofrecer a súa mirada da aldea e do festival, Cans comezou o pasado ano as súas residencias de artistas.  A intención é que na aldea haxa actividade relacionada co festival todo o ano e, ó mesmo tempo, tratar de que Cans sexa un motor creativo e impulse ós novos creadores. Desta idea naceu o libro “Cans” do escritor Carlos Meixide e agora terá continuación no convite que o festival fará á pintora María Meijide,que foi xa ilustradora deste libro. Meijide, infatigable viaxeira e aguda observadora, chega a Cansdisposta a presentarnos a súa “Mirada de Cans”, que desenvolverá este ano para recoller o seu froito nos vindeiros meses.

Furacáns, en cambio é unha nova sección que está composta por pezas feitas para “arrasar”, un soplo de aire novo que seguro que dará moito que falar. Unha sección que trata de darlle cabida á creadoras e creadores con xeitos de narrar afastados do convencional, que asumen riscos e tratan de experimentar. Case todos teñen en común que son creadoras e creadores moi novos, pero moi preocupados por utilizar a “memoria”, como materia prima audiovisual, ben sexa a súa propia memoria vital ou o seu interesante pasado familiar.  “Furacáns” quere ser un espazo para espectadores que buscan acougo contemplando as imaxes, para espectadores exquisitos e mentes sensibles. As curtas que se proxectarán son: Volver allí -de Lucía Estévez-, Lembranza -de Al Díaz-, Jet d’eau -de Alejandro Pose-, Homes -de Diana Toucedo- e Lar -de Iria Silvosa e Aldara Pregue-.

VOLVER ALLÍ, de Lucía Estévez , 14 min. (2016)
Vai de: O regreso ó paraíso da infancia e os recunchos que a memoria gosta de explorar ata os límites do conflicto, son a base destetraballo e dos elementos creativos polos que adoita transitar esta interesante creadora.
O detalle: É a segunda vez que podemos ver en Cans o traballo de Lucía Estévez, unha creadora saída das últimas fornadas da Universidade de Vigo.
 
LEMBRANZA, de Al Díaz , 21 min. (2017)
Vai de: Al Díaz indaga na increíble historia da súa familia itinerante, a partir duns vellos rolos de película en Super 8. A través destes rolos fai un interesante exercicio de cinefilia co que vaitecendounha historia que afonda no pasado da súa familia natural de Bóveda (Lugo).
O detalle: O autor reside agora en Inglaterra e realizou este filme a partir dunha bolsa que recibiu para desenvolver o seuproxectona residencia de artistas da Real Academia Española en Roma.
 
JET D´EAU, de Alejandro Pose. 12 min. (2017)
Vai de: Jet D´Eau é un retrato de familia. Mais non un retrato amable, senón un retrato áspero e difícil sobre a emigración. O autor achégasedunxeito singular á historia da súa familia, ata que faisaír un “jet d´eau”, un potente chorro de auga por onde os recordosflúen a presión.
O detalle: Moi interesante observar como a voz en “off”, adquire todo o peso da narración. Un off nada convencional.
 
HOMES, de Diana Toucedo. 12 min. (2016)
Vai de: Os actos dos homes en vida configuran a nosa Historia. Pero… en que momento da nosa vida perde un a súa propia? Moitas das mulleres que esperan hoxe no interior das súas casas, das súas cociñas ao home que marchou, ao fillo, ao pai… manteñen unha ferida aberta que nunca se pechou. Suspendidas do tempo, latexan incansables na espera. A morte ou elas.
 
LAR de Iria Silvosa e Aldara Pregue. 9 min. (2017)
Vai de: “Lar” é unha viaxe ó pasado a través das ruínas dunha casa. Dunha casa derrubada que agocha aínda vellos obxectos que un día formaron parte da vida cotía dunha familia.
O detalle: Non perdas detalle de cómo o decadente, o derrubado, agocha case sempre unha enorme carga poética.

Clipmanía

Clipmanía: estrea mundial de novo clip de Terbutalina + retrospectiva de videoclips de Eladio y los Seres Queridos.

Sábado 27 | 18h30 | Jalpón de Alicia

Estrea Mundial de “Ninguén che quere”, novo clip de Terbutalina.

Coa presenza dos membros de Terbutalina e do director Gero Costas.

Hai anos, Terbutalina foi unha das primeiras bandas que pasaron por Can Campus, a actividade que o Festival de Cans fixo coa Universidade de Vigo para promocionar as novas bandas que aínda non tiñan nin clip. Agora volven a Cans, convertidos en rock- stars, para tocar no Torreiro e ofrecernos en exclusiva mundial o videoclip do seu tema “Ninguén che quere”, avance do que será o seu novo disco “Sonido Esteiro”.

Retrospectiva videoclips Eladio y Los Seres Queridos.

Coa presenza de Eladio Santos e do realizador Alberto Baamonde.

Ademais de ser unha banda creadora de magníficas cancións pop, Eladio y los Seres Queridos sempre foi unha formación moi preocupada polas imaxes que xeraban as súas cancións e polos videoclips que as acompañaban. A maioría dos seus clips levan a pegada de artesáns audiovisuais como Manuel Portolés ou dun creador con moito oficio para fabricar fermosas imaxes desde a música como é Alberto Baamonde. Aproveitando a súa presenza en Cans no Espazo Mahou,  adicamos unha retrospectiva a esta banda a través dunha selección de videoclips nos que é preciso pararse a degustar as imaxes con calma.

  • “Espanha a las 8” (3 min.) Ano 2008. Dirección: Alberto Baamonde e Piño Prego.
  • “El tiempo futuro” (4 min.) Ano 2011. Dirección: Alberto Baamonde.
  • “Con el corazón en la mano” (4 min.) Ano 2012. Dirección: Alberto Baamonde e Óscar Pardo.
  • “Seremos Santos Inocentes” (4 min.) Ano 2014. Dirección: Manuel Portolés.

ExtraCans

ExtraCans

Sábado 26 | 20h30 | Jalpón de Alicia

Entradas esgotadas.
Duración total das curtas: 79 minutos.

Paseniño pero sempre con boa letra, o Festival de Cans leva anos aumentando o enfoque internacional da súa programación, sempre da man da diáspora de creadoras e creadores galegos que desenvolven a súa obra en calquera parte do mundo. A aposta consolídase este ano con ExtraCans, unha sección de curtametraxes dirixidas por cineastas de Italia, Líbano, Portugal ou Brasil nas que a participación de artistas e profesionais do país foi fundamental.

CLAUDIA

2017 | 17’ | español

Dirección: Miguel Pereira.

Guión: Miguel Pereira.

Produción: Miguel Pereira, Sergio Boado.

Montaxe: Sergio Boado, Miguel Pereira.

Fotografía: Sergio Boado.

Son: Juan Manuel Castrillo.

Elenco: Claudia Trujillo, Javier Raya.

Vai de: Fai calor. Claudia traballa na casa como webcamer erótica cando o seu móbil sona. A cidade celebra o solsticio.

Xénero: Drama.

O detalle: Claudia acaba de ser seleccionada para a competición oficial do Festival de Málaga, na sección de curtametraxes.

Nexo galego: Sergio Boado, director de fotografía, co-produtor e co-montador.

EL CONCEPTO DE IRONÍA

2017 | 20’ | español

Dirección, montaxe e fotografía: Sousa Haz.

Guión: Sousa Haz, Jorge Varela, Misha Bies Golas.

Produción: Confraria do Vento, Imán Music..

Son: Táriq Zia Burney Arango.

Música: Fred Frith.

Elenco: Jorge Varela, Misha Bies Golas, Sonia Nunes.

Vai de: Neste filme medio documental e medio ficción, dous artistas galegos son convidados a compartir unha casa nunha illa de Croacia co reto de crear unha obra a catro mans. Os produtores do proxecto non o saben, pero os artistas ódianse.

Xénero: Humor.

O detalle: Inspirado nun ensaio de Paul De Man e personaxes da comedia grega clásica, esta curta é un retrato divertido e ácido das vaidades dos artistas.

Nexo galego: os artistas protagonistas Misha Bies Golas e Jorge Varela.

MON AMOUR, MON AMI

2018 | 16’ | italiano

Dirección e guión: Adriano Valerio

Produción: Films Grand Huit, Dugong Films.

Montaxe: Alice Roffinengo.

Fotografía: Diego Romero Suárez-Llanos.

Son: Enrico Ascoli.

Elenco: Daniela Brandi, Fouad Miftah.

Vai de: Daniela e Fouad viven en Gubbio, nos outeiros de Umbria, pero ambos veñen do mar. Os seus corpos amosan as marcas dunha vida dura e unha severa dependencia do alcohol. Coñécense por casualidade e comezan a coidarse mutuamente, ata que medra un vínculo profundo e sanador. Agora que Fouad precisa un permiso de residencia, pide matrimonio a Daniela. Parece de acordo coa idea pero uns días antes da voda, a ambigüidade dos sentimentos de Fouad comeza a preocupala.

Xénero: Documental.

O detalle: Esta curta estreouse na pasada edición do prestixioso festival de Venecia.

Nexo galego: Diego Romero Suárez-Llanos, director de fotografía.

TSHWEESH

2017 | 26’ | árabe

Dirección e guión: Feyrouz Serhal.

Produción: Stefan Gieren, Felipe Lage Coro, Lara Abou Saifan.

Montaxe: Maria Malek.

Fotografía: Bassem Fayad.

Son: Victor Bresse.

Elenco: Petra Serhal.

Vai de: Beirut, día do Mundial de fútbol. Unha muller camiña a través das rúas relativamente tranquilas. A xente está dentro das casas vendo o partido, ou seguindo a súa rutina doméstica. Pero parece que a sinal da televisión falla, tal como evidencian momentos illados de caos nos tellados. Entón a calma dun caluroso día de verán é rota por un ataque aéreo: outra interrupción que absorber, outra irritación menor á que a xente de Beirut non permite que irrite os seus espíritos.

Xénero: Thriller.

O detalle: Este filme libanés que produce Zeitun Films (a empresa detrás de Mimosas, de Oliver Laxe ou Costa da Morte de Lois Patiño) estreouse no pasado festival de Locarno.

Nexo galego: Felipe Lage, produtor.

Full roller derby

Full roller derby

 

Dirección: Ángel Manzano

Autoproducida

Xénero: Documental

Vai de: Un equipo de mulleres patinadoras que apenas teñen recursos para sacar o clube adiante, e un rudo deporte de contacto. Estes elementos sérvenlle a Ángel Manzano para facer unha interesante proposta que afonda no papel da muller na sociedade do século XXI.

Estado: En fase de posproducción

O detalle:Full Roller Derby” será o debú como documentalista do cineasta Ángel Manzano. Outro creador forxado no Festival de Cans, onde gañou en dúas ocasións o premio do público coas curtas “Tupper” e “Deber”.

Unicorn wars

Unicorn wars

Dirección: Alberto Vázquez

Producida por: Autour du Minuit (Fr), Uniko e Abano Producións.

Xénero: Animación.

Sinopse: O noso gran creador Alberto Vázquez, que gañou nada menos que dous Goya este ano, volve cun novo filme de animación. Neste caso cunha parodia de cine bélico, con osiños militares que adestran para a guerra definitiva contra os unicornios. En palabras do seu creador, “unha mestura de “Bambi” e “Apocalipse Now”.

Estado: En fase de posprodución

O detalle: Forxado no Festival de Cans, onde gañou en dúas edicións, Alberto Vázquez volve unir o seu talento no seu filme co do animador de Cangas Khris Cembe, que curiosamente tamén gañou en Cans o pasado ano a sección de animación. Desta unión non pode saír nada malo.